"ارے، یہ حل کرو":چیٹ جی پی ٹی سے بدتمیزی کریں زیادہ درست جواب پائیں:  نئی تحقیق میں  انکشاف

کیلیفورنیا: ایک نئی تحقیق میں یہ بات سامنے آئی ہے کہ ChatGPT زیادہ درست جوابات دیتا ہے جب اس سے بدتمیز یا جارحانہ انداز میں سوال کیا جائے۔

پین اسٹیٹ یونیورسٹی کے محققین نے GPT-4o ماڈل پر 250 سے زائد مختلف پرامپٹس آزما کر یہ نتیجہ اخذ کیا کہ بدتمیز یا سخت انداز کے سوالات پر AI کی درستگی سب سے زیادہ رہی۔ تحقیق کے مطابق، “بہت بدتمیز” پرامپٹس، جیسے "ارے، یہ حل کرو"، نے 84.8 فیصد درستگی دکھائی، جو مؤدبانہ انداز کے سوالات سے تقریباً چار فیصد زیادہ تھی، جیسے "کیا آپ مہربانی کرکے درج ذیل سوال حل کریں گے؟"۔

تحقیق کے شریک مصنف، پروفیسر آکھیل کمار نے کہا کہ یہ نتیجہ اس بات کی عکاسی کرتا ہے کہ AI انسانی تعامل کے دوران سوال کے انداز اور ٹون کے مطابق مختلف ردعمل دیتا ہے۔ انہوں نے مزید کہا کہ سوال پوچھنے کے چھوٹے طریقے بھی نتائج پر نمایاں اثر ڈال سکتے ہیں۔

تاہم، محققین نے خبردار کیا کہ AI کے ساتھ بدتمیز انداز میں گفتگو کو معمول بنانا خطرناک ہو سکتا ہے اور یہ انسانی رویے اور AI کے استعمال میں شمولیت پر منفی اثر ڈال سکتا ہے۔

یہ مطالعہ انسانی اور AI تعامل کے اخلاقی اور عملی پہلوؤں پر سوال اٹھاتا ہے اور اس بات کو واضح کرتا ہے کہ AI سے سوال پوچھتے وقت صرف مواد ہی نہیں بلکہ انداز بھی اہمیت رکھتا ہے۔