غزہ کو بین الاقوامی فورس کے سپرد کرنا نوآبادیاتی منصوبہ ہے، فلسطین

غزہ : فلسطینی رہنما مصطفیٰ برغوثی نے کہا ہے کہ غزہ کو بین الاقوامی فورس کے حوالے کرنا ایک نوآبادیاتی منصوبہ ہے۔ امریکی ٹی وی سے گفتگو میں ان کا کہنا تھا کہ فلسطینی ریاست اور اسرائیلی قبضے کے خاتمے کا معاملہ تو چارہ جوئی میں شامل ہی نہیں کیا گیا۔

برغوثی نے خبردار کیا کہ اگر اسرائیل سست انخلا کو بہانہ بنائے تو وہ دوبارہ جنگ چھیڑ سکتا ہے، اور اس دوران فلسطینی فریق کو مکمل طور پر نظر انداز کیا جا رہا ہے۔ انہوں نے برطانوی سابق وزیر اعظم ٹونی بلیئر کے کردار پر سخت تنقید کی اور کہا کہ بلیئر کا کردار قبول نہیں، خاص طور پر جب یاد رہے کہ انہوں نے عراق جنگ کے سلسلے میں جھوٹی کہانیوں کا سہارا لیا تھا۔

مصطفیٰ برغوثی نے مزید کہا کہ امریکی صدر کا جھکاؤ پوری طرح اسرائیل کے حق میں ہے۔ انہوں نے مطالبہ کیا کہ فلسطینی عوام کو آزادانہ اور جمہوری انتخابات کا حق دیا جائے، اور مؤقف اختیار کیا کہ اسرائیل کا غزہ میں جو منصوبہ تھا جسے بعضے نسل کشی قرار دیتے ہیں  وہ ناکام ہو چکا ہے۔