راولپنڈی: لیفٹیننٹ جنرل سرفراز علی سمیت 6 افسران ہیلی کاپٹر حادثے میں شہید ہو گئے ہیں اور پاک فوج نے اس کی تصدیق بھی کر دی ہے۔
پاک فوج کے تعلقات عامہ کے شعبہ (آئی ایس پی آر) کے ڈائریکٹر جنرل (ڈی جی) نے ہیلی کاپٹر حادثے میں افسران کی شہادت کی تصدیق کر دی ہے۔
ڈی جی آئی ایس پی آر کا کہنا ہے کہ پاک فوج کے گزشتہ روز لاپتہ ہونے والے ہیلی کاپٹر کا ملبہ موسیٰ گوٹھ وندر لسبیلہ سے ملا اور اس میں سوار تمام افراد شہید ہو گئے ہیں۔
The wreckage of unfortunate hel which was on flood relief ops found in Musa Goth, Windar, Lasbela. All 6 offrs & sldrs incl Lt Gen Sarfraz Ali embraced shahadat. اِنّا لِلَّٰهِ وَإِنَّا إِلَيْهِ رَاجِعُونَ
— DG ISPR (@OfficialDGISPR) August 2, 2022
Accident occurred due to bad weather as per initial investigations . DTF pic.twitter.com/dnyano2vqC
آئی ایس پی آر کی جانب سے جاری بیان میں مزید بتایا گیا ہے کہ حادثے کا شکار ہیلی کاپٹر فلڈ ریلیف آپریشن پر مامور تھا اور ابتدائی تحقیقات کے مطابق حادثہ خراب موسم کے باعث پیش آیا۔
ڈی جی آئی ایس پی آر کے مطابق شہداءمیں لیفٹیننٹ جنرل سرفراز علی، میجر جنرل امجد حنیف، بریگیڈئیر محمد خالد، میجر سعید احمد، میجر محمد طلحہ منان اور نائیک مدثر فیاض شامل ہیں۔