فیلڈ مارشل عاصم منیر سے لیبیا کے ہم منصب خلیفہ ابو القاسم حفتر کی ملاقات، دو طرفہ سکیورٹی اور عسکری تعاون پرگفتگو

راولپنڈی: لیبیا کی عرب مسلح افواج کے سربراہ فیلڈ مارشل خلیفہ ابو القاسم حفتر اور لیبیا کے وزیراعظم ڈاکٹر اسامہ سعد حماد نے پاک فوج کے چیف فیلڈ مارشل عاصم منیر سے ملاقات کی ہے۔ ملاقات میں دونوں ممالک کے درمیان سکیورٹی اور عسکری تعاون کے موضوعات پر تفصیلی بات چیت کی گئی۔

آئی ایس پی آر کے مطابق، ملاقات کے دوران باہمی دلچسپی کے مختلف پہلوؤں پر تبادلہ خیال کیا گیا جس میں دونوں طرف سے اپنے اپنے علاقوں میں امن و امان کے حالات اور پیشہ ورانہ تعاون کو خاص اہمیت دی گئی۔

فیلڈ مارشل عاصم منیر نے مہمانوں کا استقبال کیا اور پاکستان کی طرف سے لیبیا کے ساتھ تعلقات کو مضبوط بنانے کے عزم کو دہرایا۔ ملاقات میں پاک فوج اور لیبیا کی مسلح افواج کے مابین رابطوں کو جاری رکھنے اور بڑھانے پر بھی زور دیا گیا۔

اس کے علاوہ، فیلڈ مارشل عاصم منیر نے لیبیا میں استحکام، امن اور ادارہ جاتی ترقی کی حمایت پر بھی اپنا موقف واضح کیا۔ مہمانوں نے جی ایچ کیو لاہور میں موجود شہدا کی یادگار پر پھول چڑھا کر ان کی قربانیوں کو خراج عقیدت پیش کیا۔