اسلام آباد: چینی سفیر نونگ رونگ نے کہا ہے کہ سی پیک کے منصوبوں کو آگے بڑھانے کے لیے خالد منصور کے ساتھ مل کر کام کریں گے۔
چینی سفیر نے اپنے بیان میں انہوں نے خالد منصور کو وزیراعظم عمران خان کا معاون خصوصی برائے سی پیک افیئرز تعینات ہونے پر مبارک باد پیش کی۔
90ebe8a1541a63cb5885b8f21666c236
اس موقع پر چینی سفیر نے سابق چیئرمین سی پیک اتھارٹی عاصم سلیم باجوہ کو بھی خراج تحسین پیش کیا اور کہا کہ سی پیک میں عاصم سلیم باجوہ کی خدمات قابل تعریف ہیں۔
ان کا مزید کہنا تھا کہ سی پیک کیلئے عاصم سلیم باجوہ کی کوششوں کوقدر کی نگاہ سے دیکھتےہیں اور ہمارا تعاون خصوصی اہمیت کا حامل اور دوستی قابل فخر ہے۔
دوسری جانب عاصم سلیم باجوہ نے خراج تحسین پیش کرنے پر چینی سفیر کا شکریہ ادا کیا۔ اپنے ٹوئٹر پیغام میں انہوں نے کہا کہ آپ کے ساتھ مل کر سی پیک کی ترقی کے لیے کام کرنا میرے لیے ایک اعزاز تھا۔
909c43b2ac61915bed06573dc6b0d2d3
انہوں نے کہا کہ مجھے ہمیشہ سے یقین رہا ہے کہ سی پیک ہماری لائف لائن ہے جو ہماری محنت، عزم و ارادے سے جلد حقیقت بنے گا۔
