پاکستان میں آئی فون 17 سیریز کی قیمتیں اور فیچرز، اس میں نیا کیا ہے ؟

اسلام آباد :ایپل نے اپنی تازہ ترین آئی فون 17 سیریز پاکستان میں فروخت کے لیے پیش کر دی ہے، جس میں آئی فون 17، 17 پرو، 17 پرو میکس اور  نیا آئی فون ایئر شامل ہیں۔ قیمتیں 3.99 لاکھ سے لے کر 8.98 لاکھ روپے تک مختلف اسٹوریج ورژنز کے مطابق ہیں۔ 
تمام ماڈلز PTA سے منظور شدہ ہیں تاکہ صارفین کو نیٹ ورک کی مکمل مطابقت اور وارنٹی کی سہولت حاصل ہو۔ ماہرین کا کہنا ہے کہ قیمتیں امریکی مارکیٹ کے مقابلے میں زیادہ ہیں، جس کی بڑی وجہ پاکستان میں درآمدی ڈیوٹیز، مختلف ٹیکسز اور PTA کے چارجز ہیں۔ نئے آئی فونز میں جدید کیمرہ، تیز پروسیسر اور بہتر بیٹری لائف جیسے فیچرز دیے گئے ہیں جو ٹیکنالوجی کے شوقین صارفین کو متاثر کریں گے۔
 پرو اور پرو میکس ماڈلز میں مزید بہتر کم روشنی میں فوٹوگرافی اور ویڈیو ریکارڈنگ کے لیے جدید سینسرز اور لینز دیے گئے ہیں۔ نئے A17 چپ کی بدولت فونز میں تیز رفتاری، بہتر گرافکس اور توانائی کی بچت ممکن ہوئی ہے۔نئے ماڈلز میں بیٹری کی کارکردگی میں نمایاں بہتری کی گئی ہے، جس سے فون زیادہ دیر تک چلے گا۔ خاص طور پر آئی فون ایئر ماڈل انتہائی پتلا اور ہلکا وزن رکھتا ہے، جو آسانی سے ہاتھ میں آ جاتا ہے۔

پاکستان میں آئی فون 17 سیریز کی قیمتیں امریکی مارکیٹ کی نسبت کافی زیادہ ہیں۔ ماہرین کے مطابق اس کی بڑی وجہ درآمدی ڈیوٹیز، مختلف ٹیکسز، اور PTA رجسٹریشن چارجز ہیں۔ مثال کے طور پر، آئی فون 17 پرو میکس کا 256 جی بی ورژن امریکہ میں تقریباً 1,199 ڈالر (تقریباً 3 لاکھ روپے) میں دستیاب ہے، جب کہ پاکستان میں اس کی قیمت 5 لاکھ 65 ہزار روپے مقرر کی گئی ہے۔