اسلام آباد : ملک کے مختلف شہروں میں زلزلےکے جھٹکے محسوس کیے گئے ۔ اسلام آباد ، راولپنڈی ،لاہور ، پشاور میں خیبرپختونخوا کے مختلف اضلاع میں زلزلہ کے شدید جھٹکے محسوس کئے گئے۔
زلزلہ پیمامرکز کے مطابق زلزلے کی شدت 5اعشاریہ 8 اور گہرائی 196 کلومیٹر ریکارڈ کی گئی ۔زلزلے کا مرکز ہندوکش ریجن افغانستان تھا۔
نیو نیوز کے مطابق ہزارہ، مردان، کوہاٹ ،ڈی آئی خان ،نوشہرہ، خیبر، جہانگیرہ، مردان، صوابی ، سوات، مہمند ،پھالیہ ،ڈڈیال آزاد کشمیر میں زلزلہ کے جھٹکے محسوس کیے گئے۔
ایبٹ آباد ،میرپور آزاد کشمیر ،دیر بالا ،چنیوٹ ،سرگودھا ،شاہ کوٹ ،میانوالی،سرگودھا اور گردونواح بھی لرز اٹھے۔
