لاہور میں بارش کے بعد دھوپ، کراچی و سندھ میں گرمی کی شدت برقرار

لاہور :لاہور میں رات کے وقت ہونے والی بارش کے بعد صبح ہوتے ہی سورج نکل آیا جس سے موسم خوشگوار ہو گیا۔ بارش کے باعث فضا میں نمی اور ٹھنڈک محسوس کی گئی، تاہم دن چڑھنے کے ساتھ دھوپ نے اپنی شدت دکھانا شروع کر دی۔

دوسری جانب کراچی سمیت سندھ بھر میں آج بھی گرمی کی لہر برقرار رہنے کی پیشگوئی کی گئی ہے۔ محکمہ موسمیات کے مطابق درجہ حرارت معمول سے زیادہ رہنے کا امکان ہے جس کے باعث شہریوں کو احتیاط برتنے کی ہدایت کی گئی ہے۔

حکام نے شہریوں کو مشورہ دیا ہے کہ وہ دھوپ میں غیر ضروری نقل و حرکت سے گریز کریں اور پانی کا زیادہ استعمال کریں تاکہ شدید گرمی کے اثرات سے محفوظ رہا جا سکے۔