ایران-امریکا مذاکرات ، عالمی منڈی میں خام تیل کی قیمتوں میں کمی

لندن : عالمی منڈی میں خام تیل کی قیمتوں میں کمی دیکھنے کو ملی ہے، جس کی وجہ ایران اور امریکا کے درمیان ممکنہ مذاکرات کی قیاس آرائیاں ہیں۔ خبر ایجنسی کے مطابق، برطانوی خام تیل کی قیمت ایک اعشاریہ پانچ نو ڈالر فی بیرل کم ہو کر 67 اعشاریہ 87 ڈالر فی بیرل تک پہنچ گئی۔ اسی طرح، امریکی خام تیل کی قیمت میں بھی کمی آئی، جو ایک اعشاریہ پانچ ایک ڈالر کم ہو کر 63 اعشاریہ 63 ڈالر فی بیرل ہوگئی۔

ٹریڈنگ سیشن کے دوران، دونوں عالمی بینچ مارکس کی قیمتوں میں 3 فیصد سے زائد کی کمی ریکارڈ کی گئی۔ یہ کمی ایران اور امریکا کے درمیان ممکنہ مذاکرات اور عالمی اقتصادی حالات کے پیش نظر دیکھی جا رہی ہے۔