"ہمارا اصل فوکس کرنٹ اکاؤنٹ خسارے پر ہے"؛ مالیاتی نظم و ضبط اور استحکام اولین ترجیحات ہیں، وزیرِ خزانہ محمد اورنگزیب کا خطاب

اسلام آباد: وفاقی وزیرِ خزانہ محمد اورنگزیب نے کہا ہے کہ حکومت کا بنیادی فوکس کرنٹ اکاؤنٹ پر ہے اور ملکی معیشت میں مالیاتی نظم و ضبط اور استحکام لانا ہماری اولین ترجیحات میں شامل ہے۔ اسلام آباد میں ایک اہم تقریب سے خطاب کرتے ہوئے انہوں نے واضح کیا کہ عالمی مالیاتی اداروں کے ساتھ تعاون کو مزید فروغ دے کر ملک میں مالیاتی نظم و ضبط کو مزید مضبوط اور پائیدار بنایا جائے گا۔
وزیرِ خزانہ کا کہنا تھا کہ پائیدار معاشی ترقی کے لیے نجی شعبے (پرائیویٹ سیکٹر) کا کردار کلیدی ہے، اسی لیے حکومت نجی شعبے کی بھرپور حوصلہ افزائی کر رہی ہے تاکہ سرمایہ کاری میں اضافہ ہو۔ انہوں نے خطے کی صورتحال پر تشویش کا اظہار کرتے ہوئے یہ دعا بھی کی کہ امریکہ اور ایران کے درمیان جاری حالیہ تنازع جلد از جلد پرامن طور پر ختم ہو جائے تاکہ عالمی اور علاقائی معیشت پر اس کے منفی اثرات نہ پڑیں۔