حکومت نے بھارتی ہائی کمشنر کو پاکستان چھوڑنے کا حکم دیدیا

اسلام آباد:حکومت نے بھارتی ہائی کمشنر اجے بساریا کو پاکستان چھوڑنے کا حکم دے دیا ، نئی دہلی میں تعینات پاکستانی ہائی کمشنر کو ملک واپس بلانے کا فیصلہ کر لیا گیا۔

تفصیلات کے مطابق پاکستانی حکومت نے بھارتی ہائی کمشنر کو ملک چھوڑنے کا حکم دے دیا ہے اور نئی دہلی میں تعینات پاکستانی ہائی کمشنر کو ملک واپس بلانے کا فیصلہ کر لیا گیا ہے ۔

غیرملکی خبررساں ادارے کے مطابق وفاقی حکومت نے اس سلسلے میں فیصلہ کر لیا ہے اور وزارت خارجہ کو اس سلسلے میں آگاہ کر دیا گیا ہے ۔