آئی فون 18 پرو میں جعلی تصاویر کی شناخت کے لیے نیا فیچر

کیلیفورنیا: : ایپل نے آئی فون 18 پرو کے کیمرے میں ایک نیا فیچر شامل کیا ہے جس کا مقصد مصنوعی ذہانت سے بنائی یا تبدیل کی گئی تصاویر کی بڑھتی ہوئی تعداد کے درمیان اصل تصاویر کی شناخت میں مدد فراہم کرنا ہے۔

ایپل کے مطابق ریفرنس امیج کی مدد سے صارفین آئی فون کیمرے سے بنائی گئی تصویر کا اصل اور قابلِ تصدیق ورژن محفوظ کرسکیں گے۔ اس سے فوٹوگرافرز کے لیے یہ ثابت کرنا آسان ہوگا کہ تصویر میں موجود منظر حقیقی طور پر کیمرے کے سامنے موجود تھا۔

کمپنی کا کہنا ہے کہ اے آئی ٹیکنالوجی کے ذریعے تصاویر میں تبدیلی یا جعلی تصاویر تیار کرنا آسان ہوگیا ہے، جس کے باعث آن لائن تصاویر کی صداقت پر اعتماد ایک اہم مسئلہ بن چکا ہے۔

نیا فیچر تصاویر کی اصلیت جانچنے کے لیے اضافی سہولت فراہم کرے گا، جبکہ آئی فون میں موجود کلین اپ ٹول صارفین کو تصاویر سے اشیا ہٹانے یا ان میں تبدیلی کرنے کی سہولت دیتا ہے۔