ملک بھر میں کورونا وائرس کے وار جاری ،2افراد زندگی کی بازی ہار گئے

اسلام آباد :گزشتہ  24 گھنٹے  کے دوران  ملک بھر میں  کورونا  کے 6 ہزار 708 ٹیسٹ کئے گئے،  28 مریض رپورٹ ہوئے،  مثبت کیسز کی شرح  اعشاریہ 42 فیصد رہی، ملک بھرمیں کورونا وائرس 35 مریضوں کی حالت تشویشناک ہے، 2 اموات رپورٹ ہوئیں ہیں ۔

این آئی ایچ کے مطابق گزشتہ 24 گھنٹے کے دوران پشاور میں کورونا کے 451 ٹیسٹ کئے گئے،  4 کیس رپورٹ ہوئے، مثبت کیسز کی شرح  اعشاریہ 89 فیصد رہی، کراچی میں 24 گھنٹے کے دوران کورونا وائرس کے  360 ٹیسٹ کئے گئے، 9 کیسز رپورٹ ہوئے،   وائرس کی شرح 2 اعشاریہ 50فیصد رہی، اسلام آباد میں  615ٹیسٹ کئے گئے ،  1 مریض رپورٹ ہوا،   مثبت کیسز کی شرح  اعشاریہ 16 فیصد رہی۔

  گزشتہ 24 گھنٹے کے دوران  لاہور میں کورونا کے 457 ٹیسٹ کیے گئے،  4 مریض رپورٹ ہوئے،  وائرس کی شرح  اعشاریہ 88 فیصد رہی ۔