کراچی: پاکستانی شوبز انڈسٹری کے گلوکار و اداکاروں نے عوام سے ملک میں8 فروری کو ہونے والے عام انتخابات میں ووٹ ڈالنے کی اپیل کر دی۔
نامور پاکستانی گلوکار واداکار فرحان سعید نے سماجی رابطے کی ویب سائٹ ایکس پر کہا کہ پاکستانیو اگر آپ کو لگتا ہے کہ آپ کے ساتھ ظلم ہوا ہے تو باہر نکلو اور 8 فروری کو ووٹ دو۔
dc0d93a521a8ac4cbf54e3f0eb8e1d81
انہوں نے مزید لکھا کہ اگر آپ اپنے ملک کی ترقی دیکھنا چاہتے ہیں تو ووٹ دیں، اگر آپ صحیح شخص کو ملک کی قیادت کرتے دیکھنا چاہتے ہیں تو ووٹ دیں، پاکستان کے لیے ووٹ دیں۔
اداکارہ ماورا حسین نے بھی سماجی رابطے کی ویب سائٹ ایکس پر اپنے مداحوں کو مخاطب کرتے ہوئے لکھا کہ کل، 8 فروری کو، ووٹ لازمی ڈالنا ہے، ملک کے شہر ہونے کے ناطے یہ ہماری ذمہ داری ہے۔
72f26c1689f187d941e678afec710213
انہوں نے مزید کہا کہ جمہوریت کو برقرار رہنا چاہیے اور یہ تب ہی ہو سکتا ہے جب ہم ووٹ دیں گے۔
اداکار عدنان صدیقی نےسماجی رابطے کی ویب سائٹ انسٹاگرام پر لکھا کہ 8 فروری، ہمارے اور ہماری قوم کے لیے ایک اہم دن ہے۔ کل (8 فروری کو) اپنے ووٹ دینے کا حق استعمال کریں۔
500800bc6102e23a9e83885eba4814b2
انہوں نے کہا کہ تبدیلی لانے کی طاقت ہمارے ہاتھ میں ہے، یاد رکھیں اگر آپ ابھی ووٹ نہیں دیں گے، تو آپ بعد میں شکایت کرنے کا حق کھو دیں گے۔
اداکارہ مایا علی نے بھی سماجی رابطے کی ویب سائٹ انسٹاگرام پر سٹوری ڈالتے ہوئے لکھا کہ یہی وقت ہے کہ آپ اپنا مستقبل کھونے سے بچا سکتے ہیں اور اپنے حال کو بہتر بنا سکتے ہیں، پاکستان کے بارے میں سوچیں، ان قربانیوں کے بارے میں سوچیں جو اب تک دی گئی ہیں۔
اداکارہ نےکہا کہ ہمارے بچوں کی قسمت ہمارے ہاتھ میں ہے اور ہمیں تاریخ کے صحیح جانب کھڑا ہونا ہے، ملک کی بہتری کے لیے اپنا لیڈر منتخب کریں گے۔
خیال رہے کہ کل(8 فروری، جمعرات) ملک میں عام انتخابات شیڈول ہیں۔
