ہانیہ عامر اور رامشہ کی مزاحیہ ویڈیوز سوشل میڈیا پر وائرل، صارفین خوب محظوظ

کراچی: پاکستان کی معروف اداکارہ ہانیہ عامر نے اپنی قریبی دوست اور اداکارہ رامشہ کے ساتھ بنائی گئی مزاحیہ ویڈیوز اور تصاویر سوشل میڈیا پر شیئر کیں، جو دیکھتے ہی دیکھتے صارفین کی توجہ کا مرکز بن گئیں۔

ہانیہ عامر نے رامشہ کی سالگرہ کے موقع پر انسٹاگرام پر چند ویڈیوز پوسٹ کیں، جن میں دونوں ایک مشہور گانے پر مزاحیہ انداز میں ایک دوسرے کے سر نیچے جھکاتی نظر آئیں۔ ویڈیو کے کیپشن میں ہانیہ نے رامشہ کو سالگرہ کی مبارکباد دی۔

اس کے علاوہ اداکارہ نے اپنی انسٹاگرام اسٹوری پر ایک اور ویڈیو بھی شیئر کی، جس میں وہ اور رامشہ سیڑھیوں پر ہنسی مذاق کرتے ہوئے رقص کرتی دکھائی دیتی ہیں۔ ویڈیو کے کیپشن میں ہانیہ نے اپنی دوست کے لیے محبت بھرے جذبات کا اظہار کیا۔

مزید برآں دونوں کی ایک تصویر بھی سوشل میڈیا پر خوب وائرل ہوئی، جس میں ہانیہ عامر غباروں اور پھولوں کے ساتھ نظر آئیں، جبکہ رامشہ نے تصویر کے کیپشن میں ہانیہ کے لیے محبت بھرا پیغام لکھا۔

سوشل میڈیا صارفین نے ہانیہ عامر کی خوش مزاج طبیعت اور تخلیقی انداز کو سراہتے ہوئے مثبت ردعمل دیا ہے، جبکہ ویڈیوز کو بڑی تعداد میں شیئر کیا جا رہا ہے، جس سے دونوں اداکاراؤں کی مقبولیت میں مزید اضافہ دیکھنے میں آ رہا ہے۔