اسلام آباد:وفاقی وزیرداخلہ احسن اقبال پر قاتلانہ حملے نے پاکستانیوں کو شدید غم و غصے میں مبتلا کردیا ہے وہی بین الاقوامی ممالک کی جانب سے بھی مذمتی بیان آنا شروع ہوگئے ہیں اور اس حملے نے امریکہ کو بھی ہلاکررکھ دیا ہے جس کے بعد امریکہ کی جانب سے بھی اس واقعے کی مذمت کردی گئی ہے۔
یہ بھی پڑھیں:نا معلوم شخص نے وزیر داخلہ احسن اقبال پر فائرنگ کر دی
تفصیلات کے مطابق امریکی سفیر ڈیوڈ ہیل کی جانب سے سماجی رابطے کی ویب سائٹ ٹوئٹر پر پیغام جاری کیا گیا ہے جس میں احسن اقبال پر حملے کی مذمت کی گئی ۔ڈیوڈ ہیل نے کہا کہ امریکہ احسن اقبال پر حملے کی مذمت کرتا ہے اور ان کی جلد صحت یابی کے لئے نیک خواہشات کا بھی اظہار کرتے ہیں۔
یہ بھی پڑھیں:احسن اقبال پر قاتلانہ حملے کا مقدمہ درج ،دہشتگردی کی دفعات شامل
“ The United States condemns the attack on Interior Minister Ahsan Iqbal today. We wish him a speedy recovery. Ambassador David Hale” #AhsanIqbal #USEmbassyIsb pic.twitter.com/CcxgUmUknF
— US Embassy Islamabad (@usembislamabad) May 6, 2018
یاد رہے کہ گزشتہ روز نارووال کے علاقہ کنجرور میں ایک کارنر میٹنگ میں وفاقی وزیرداخلہ احسن اقبال پر عابد نامی نوجوان نے فائرنگ کردی تھی جس کے نتیجے میں احسن اقبال شدید زخمی ہوگئے جبکہ ان کا سروسز ہسپتال میں آپریشن کرکے پیٹ میں سے گولی نکال لی گئی ۔
یہ بھی پڑھیں:سروسز ہسپتال میں احسن اقبال کا آپریشن مکمل ، طبیعت تسلی بخش قرار
ملزم کیخلاف تھانہ شاہ غری میں مقدمہ بھی درج کرلیا ہے جبکہ سیاسی ،مذہبی اور فوجی حکام کی جانب سے بھی وفاقی وزیرداخلہ پر حملے کی مذمت کی گئی ہے۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
