اسلام آباد:سوشل میڈیا پر ہنگامہ برپا ہونے کے بعد احمدیہ جماعت سے تعلق رکھنے والے عاطف میاں نے اقتصادی مشاورتی کونسل سے مستعفی ہونے کا فیصلہ کرلیا ہے۔
تفصیلات کے مطابق سینیٹر فیصل جاوید خان نے سماجی رابطے کی ویب سائٹ ٹوئٹر پر پیغام جاری کرتے ہوئے عاطف میاں کے بارے فیصلے آگاہ کیا کہ حکومت نے اقتصادی مشاورت کونسل سے عاطف میاں کو الگ کرنے کا فیصلہ کرلیا۔
تحریک انصاف کے سینیٹر فیصل جاوید خان نے بتایا کہ عاطف میاں کو اقتصادی مشاورتی کونسل سے مستعفی ہونے کا کہا گیا جس پر وہ رضا مند ہوگئے ہیں۔سینیٹر فیصل جاوید نے مزید کہا کہ عاطف میاں کے متبادل کا اعلان جلد کیا جائے گا۔
خیال رہے کہ حکومت کی جانب سے احمدیہ جماعت سے تعلق رکھنے والے ماہر اقتصادیات عاطف میاں کو اقتصادی مشاورت کونسل میں شامل کیا گیا تھا جس پر بعض سیاسی جماعتوں اور سوشل میڈیا پر شدید تنقید کی گئی۔
