راولپنڈی : وزیر اعظم محمد شہباز شریف نے اپنے الوداعی دورہ پر جی ایچ کیو کا دورہ کیا۔ چیف آف آرمی سٹاف جنرل عاصم منیر نے استقبال کیا۔
وزیراعظم کے پرنسپل اسٹاف آفیسرز سے ملاقات کی۔وزیر اعظم کو گارڈ آف آنر پیش کیا گیا اور انہوں نے یادگار شہدا پر پھولوں کی چادر چڑھائی۔ وزیر اعظم نے شہداء اور غازیوں کو خراج عقیدت پیش کرنے کے لیے منعقدہ تقریب کے مہمان خصوصی شر کت کی ۔
وزیر اعظم نے شہداء، غازیوں اور ان کے خاندانوں کو مادر وطن کے دفاع کے لیے ان کی لاتعداد قربانیوں اور خدمات پر زبردست خراج تحسین پیش کیا۔وزیراعظم نے ملک کی علاقائی سالمیت کے تحفظ اور پاکستان بھر میں دہشت گردی کی لعنت سے مضبوطی سے لڑنے میں مسلح افواج کے کردار کو سراہا۔
وزیر اعظم شہباز شریف نے کہا کہ شہدا اور غازی ہمارا فخر ہیں اور ان کی عزت و تکریم ہر پاکستانی پر لازم ہے۔ ہمیں یہ کبھی نہیں بھولنا چاہیے کہ آج ہم جس امن اور آزادی سے لطف اندوز ہو رہے ہیں وہ اس مٹی کے ان بہادر بیٹوں کی لازوال قربانیوں کی وجہ سے ہے۔
انہوں نے کہا کہ میں پاکستان کے لیے اپنے پیاروں کی قربانی دینے پر ان کے اہل خانہ کو سلام پیش کرتا ہوں۔اب یہ ہمارا دلی فریضہ ہے کہ ہم اپنے شہداء اور غازیوں کی عظیم قربانیوں کو ہر پاکستانی کی خوشحالی اور فلاح و بہبود کا احساس دلائیں۔
انہوں نے مزید کہا کہ جن لوگوں نے شہدا کی یادگاروں کی بے حرمتی کی، ان کے منہ اس ملک کی تاریخ میں سیاہ رہیں گے اور پاکستان کے قابل فخر لوگ انہیں کبھی نہیں بھولیں گے۔
وزیراعظم نے شہداء کے 70 خاندانوں اور 30 جنگی زخمیوں میں خصوصی مالی امداد کے چیک تقسیم کئے۔ شہدا کے وارڈز میں ان کی تعلیمی سرگرمیوں کے تحت لیپ ٹاپ بھی تقسیم کیے گئے۔
