’’نیو نیوز تازہ ترین‘‘
ممبئی:انوپم کھیر کے بعد بالی ووڈ اداکار ابھیشک بچن کے ٹوئٹر اکاﺅنٹ کو بھی ہیک کرلیا گیا اور ہیکرز نے پاکستان کے جھنڈے کی تصاویر جاری کرتے ہوئے پاکستان سے محبت کا اظہار کردیا۔
بھارتی میڈیا رپورٹ کے مطابق ابھیشک بچن کا اکاﺅنٹ بھی پاکستانی حامی ترک ہیکرز کے ایک گروپ نے ہیک کیا تاہم اداکار کے اکاﺅنٹ کو جلد ہی بحال کرالیا گیا جبکہ ابھیشک بچن نے بھی اپنا اکاﺅنٹ ہیک ہونے کی تصدیق کردی اور اکاﺅنٹ بحال کرانے پر ٹوئٹر انڈیا کا شکریہ ادا کیا۔
f04ccec2cf438d16d9c5f6e517d96e21رپورٹ کے مطابق خبر میں دعویٰ کیا گیا ہے کہ ہیکرز کا گروپ پاکستان کا حامی ہے اور اس نے ابھیشک بچن کا ٹوئٹر ہینڈل ہیک کرتے ہوئے پاک ترک جھنڈوں کو شیئر کیا اور پیغام لکھا کہ انہوں نے اداکار کا بھی ڈیٹا ہیک کرلیا ہے۔
eb7f701beda03b72627a753f47b807b0خیال رہے کہ گزشتہ دنوں پاکستان مخالف خیالات رکھنے والے انوپم کھیر کا بھی اسی گروپ نے ٹوئٹر اکاﺅنٹ ہیک کرلیا تھا اور پاک ترک جھنڈے شائع کرتے ہوئے ’آئی لو پاکستان‘ کا پیغام جاری کیا تھا۔واضح رہے کہ اداکار کا اکاﺅنٹ ان کی سالگرہ کے تین دن بعد ہیک کیا گیا ہے۔
