راولپنڈی: سینئر صحافی حامد میر کا پولنگ کے روز موبائل و انٹرنیٹ سروس بند کرنے پر کہنا ہے کہ ا س توہین عدالت سے ثابت ہو گیا کہ ملک میں طاقت ور لوگ عدلیہ کا احترام نہیں کرتے ہیں۔
سماجی رابطے کی ویب سائٹ ایکس پر حامد میر نے کہا کہ سندھ ہائی کورٹ نے حکم دیا تھا کہ الیکشن تک انٹرنیٹ سروسز کو معطل نہ کیا جائےلیکن عدالت کے حکم کو اپنے بوٹ تلے مسلتے ہوئے انٹرنیٹ سروسز اور موبائل فون سروس معطل کر دی گئی۔
7ba4bc812943a94bf4812cf079d9d0dc
وفاقی حکومت نے سندھ ہائی کورٹ کے احکامات کی خلاف ورزی کرتے ہوئے الیکشن کے روز انٹرنیٹ سروس معطل کردی۔ یہ توہین عدالت اس بات کا ثبوت ہے کہ اس ملک کے طاقتور لوگ عدالتوں کی کوئی عزت نہیں کرتے۔
c75e7e066178f964b0b321753213ffd5
حامد میر نے اس حوالے سے سوال کیا کہ چیف جسٹس قاضی فائز عیسیٰ آج کہاں ہیں؟
سینئر صحافی کا مزید کہنا تھا کہ الیکشن کےدن ملک کے کئی حصوں میں موبائل فون اور انٹرنیٹ خدمات کی معطلی نے انتخابات کی شفافیت پر شکوک پیدا کر دیے۔
9f99bf138dfc35e58af31f6823079b61
8300 کی سہولت بیکار ہو گئی، ووٹر اپنے ووٹ کی شناخت کے لیے 8300 کی سہولت استعمال نہیں کر سکتے۔ سینئر صحافی حامد میر نےعوام سے اپیل کرتے ہوئے کہا یہ سب دھاندلی کی ابتدا ہے لیکن آپ باہر نکلیں اور تمام سازشوں کو ناکام بنانے کے لیے اپنا ووٹ دیں۔
