کراچی:گزشتہ شب شہر قائدمیں حکیم سعید گراﺅنڈ جلسے کے معاملے پر پاکستان پیپلز پارٹی اور پاکستان تحریک انصاف کے کارکنوں کے درمیان شدید تصادم ہوا تھا اور جلاﺅ گھیراﺅ بھی کیا گیا جبکہ متعدد افراد بھی زخمی ہوگئے تھے ۔
یہ بھی پڑھیں:کراچی میں پیپلز پارٹی اور پی ٹی آئی کارکنوں میں تصادم، جلاؤ گھیراؤ
اسی تصادم کی زد میں حال ہی میں پی ٹی آئی کو جوائن کرنے والے رہنما ڈاکٹر عامر لیاقت حسین بھی آگئے جنہوں نے الزام لگایا ہے کہ پی پی پی کے کارکنوں نے ان کے کیمپ پر حملہ کرکے نہ صرف کارکنوں پر تشدد کیا بلکہ گاڑیاں بھی نذر آتش کردی گئیں،جس کے بعد اس واقعے کی ایف آئی آر درج کرانے گئے تو تھانے کے اندر ہی ان کے کپڑوں کو بھی پھاڑ دیا گیا۔
یہ بھی پڑھیں:پی ٹی آئی کے سردار کامل عمر، سردار عاقل عمر اور سردار عادل عمر کی ن لیگ میں شمولیت
عامر لیاقت حسین نے سماجی رابطے کی ویب سائٹ ٹوئٹر پر پیغام جاری کیا جس میں کہا گیا کہ پیپلز پارٹی کے غنڈوں کا مجھ پر تھانے میں حملہ, مجھے ماں بہن کی گالیاں دیں اور میرے کپڑے پھاڑ دیے، یہ کیا لوگوں کو روٹی کپڑا مکان دیں گے جو کپڑے پھاڑ دیں ،پی ٹی آئی کے کارکنان عزیز بھٹی تھانے کے باہر مشتعل ہیں صورت حال بے قابو ہوجائے گی اگر گریبان پھاڑنے والوں کو بھاگنے دیا گیا۔
یہ بھی پڑھیں:ن لیگ نے زرداری کو فائدہ پہنچایا لیکن وہ اس لائق نہیں، خواجہ آصف
6cef6fa46ea5d50cc9172e3c0aa01fa9
عامر لیاقت نے الزام عائد کیا کہ پیپلز پارٹی والوں نے ان کے کیمپ پر حملہ کیا جس کے نتیجے میں 14 کارکن زخمی ہوئے جن میں سے 2 کی حالت سخت تشویشناک ہے۔ عامر لیاقت حسین نے کہا کہ وہ عزیز بھٹی تھانے میں ایف آئی آر درج کرانے گئے تھے، پیپلز پارٹی کے رہنما بھی تھانے میں ہی موجود تھے ، اس دوران وہاں موجود ایک شخص نے نہ صرف انہیں گالیاں دیں بلکہ ان کا گریبان بھی پھاڑ دیا۔
تحریک انصاف کے رہنما عامر لیاقت حسین نے کہا کہ کراچی کا امن پیپلز پارٹی نے خراب کیا ہے، 12 مئی سے پہلے انہوں نے 12 مئی کردیا ہے۔ کراچی کی روشنیاں جلانے کے دعوے داروں نے آگ جلا کر اور گولیاں چلا کر روشنی جلائی ہے، انہوں نے ثابت کیا ہے کہ یہ واقعی ایم کیو ایم کا خلا پر کر رہے ہیں۔
یہ بھی پڑھیں:احسن اقبال پر حملہ کرنے والے ملزم کا پہلا بیان سامنے آگیا
اس واقعے پر پاکستان تحریک انصاف کراچی کے ٹوئٹر آفیشل پیچ پر بھی پیغام جاری کیا گیا کہ پیپلز پارٹی کے غنڈوں کی عزیز بھٹی تھانہ کے اندر بھی دہشت گردی جاری، تھانہ کے اندر ڈاکٹر عامر لیاقت حسین پر حملہ کردیا، پولیس خاموش تماشائی بنی کھڑی رہی۔
1f7a14ce52e1af367e7d3d17f4edd090
خیال رہے کہ یہ سارا واقعہ گزشتہ شب کا ہے جب پیپلز پارٹی اور تحریک انصاف نے حکیم سعید گراﺅنڈ کراچی میں 12 مئی کو جلسے کا اعلان کر رکھا ہے اور اسی سلسلے میں پی ٹی آئی نے کیمپ لگا رکھا تھا۔اس دوران بڑی تعداد میں پیپلز پارٹی کے کارکنان نے کیمپ پر دھاوا بول دیا جس کے بعد دونوں جانب سے گھمسان کا رن پڑا ااور متعدد افراد زخمی ہوئے۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
