کراچی : پاکستان سٹاک ایکسچینج میں ایک دن کی تیزی کے بعد شدید مندی دیکھنے کو ملی، جس کے نتیجے میں ہنڈرڈ انڈیکس 1 لاکھ 13 ہزار پوائنٹس کی حد کھو بیٹھا۔ کاروباری ہفتے کے تیسرے روز مارکیٹ کا آغاز منفی رجحان کے ساتھ ہوا، اور 2600 سے زائد پوائنٹس کی کمی کے بعد ہنڈرڈ انڈیکس 1 لاکھ 12 ہزار 891 پوائنٹس کی سطح پر آ گیا۔
خیال رہے کہ گزشتہ کاروباری روز پاکستان سٹاک ایکسچینج کا ہنڈرڈ انڈیکس 622 پوائنٹس اضافے کے ساتھ 1 لاکھ 15 ہزار 532 پوائنٹس کی سطح پر بند ہوا تھا۔ دوسری جانب انٹر بینک مارکیٹ میں امریکی ڈالر کی قیمت میں 13 پیسے کی کمی ہوئی، جس کے بعد ڈالر 280.73 روپے سے کم ہو کر 280.60 روپے پر آ گیا۔
