لبنانی صدر نے اسرائیل کے ساتھ براہِ راست مذاکرات کی تصدیق کر دی

بیروت  : لبنان کے صدر جوزف عون نے کہا ہے کہ موجودہ کشیدہ صورتحال کا واحد حل اسرائیل کے ساتھ فوری جنگ بندی ہے۔ انہوں نے بتایا کہ اسرائیل کے ساتھ جنگ بندی کی تجویز اور براہِ راست مذاکرات کا آغاز پہلے ہی ہو چکا ہے اور اب تک اس پر مثبت ردعمل سامنے آیا ہے، جس سے خطے میں امن قائم کرنے کے امکانات روشن ہوئے ہیں۔

صدر عون نے زور دیا کہ کشیدگی کے خاتمے کے بغیر خطے میں پائیدار امن قائم کرنا ممکن نہیں، اور جنگ بندی دونوں ممالک کے درمیان مزید تصادم اور انسانی نقصان کو روکنے میں کلیدی کردار ادا کر سکتی ہے۔ انہوں نے کہا کہ لبنان اسرائیل کے ساتھ بات چیت کے ذریعے تعلقات کو بہتر بنانے کے لیے سنجیدہ اقدامات کر رہا ہے اور خطے میں امن کی کوششوں کو اولین ترجیح دی جا رہی ہے۔

مزید برآں، صدر عون نے عالمی برادری سے بھی اپیل کی کہ وہ لبنان اور اسرائیل کے درمیان جاری مذاکرات اور جنگ بندی کے عمل کو سپورٹ کرے تاکہ تشدد کے خاتمے اور دیرپا امن کے قیام میں مدد مل سکے۔ ان کے مطابق یہ اقدام نہ صرف لبنان بلکہ پورے مشرقِ وسطیٰ کے لیے امن اور استحکام کی ضمانت بن سکتا ہے۔