خواجہ آصف نے بھارتی ایئر چیف کے دعوے کو بے بنیاد اور جھوٹا قرار دے دیا

اسلام آباد :وزیر دفاع خواجہ آصف نے بھارتی ایئر چیف کے اس بیان کو مسترد کیا ہے جس میں کہا گیا تھا کہ پاکستانی طیارہ بھارت نے مار گرایا ہے۔ انہوں نے اسے ایک بے بنیاد اور مضحکہ خیز دعویٰ قرار دیا۔

خواجہ آصف نے اپنے بیان میں کہا کہ پاکستان کی فضائیہ نے بھارت کے 6 طیارے تباہ کیے ہیں اور جدید ایس 400 دفاعی نظام کو بھی نقصان پہنچایا ہے۔ انہوں نے بتایا کہ جنگ کے دوران پاکستان نے متعدد بھارتی ڈرونز کو بھی مار گرایا تھا۔

“The belated assertions made by the Indian Air Force Chief regarding alleged destruction of Pakistani aircraft during Operation Sindoor are as implausible as they are ill-timed. It is also ironic how senior Indian military officers are being used as the faces of monumental…

— Khawaja M. Asif (@KhawajaMAsif) August 9, 2025

انہوں نے کہا کہ آزاد ذرائع نے بھارتی رافیل سمیت کئی طیاروں کے تباہ ہونے کی تصدیق کی ہے اور پاکستان نے بھارتی ایئر بیسز کو بھی بھاری نقصان پہنچایا ہے۔ لائن آف کنٹرول پر بھارتی فوج کو بھی شدید نقصانات اٹھانے پڑے۔

وزیر دفاع نے کہا کہ اگر بھارت کے دعوے پر شک ہے تو دونوں ممالک کو چاہیے کہ اپنے طیاروں کے ریکارڈ کی آزادانہ جانچ پڑتال کرائی جائے تاکہ حقائق سامنے آئیں۔ انہوں نے کہا کہ جنگ جیتنے کے لیے جھوٹ نہیں بلکہ عزم، مہارت اور اخلاقی برتری ضروری ہے۔

خواجہ آصف نے انتباہ کیا کہ بھارتی قیادت کے جھوٹے بیانات خطے میں ایٹمی خطرات کو بڑھا سکتے ہیں اور پاکستان ہر حملے کا بھرپور اور فوری جواب دے گا۔