ٹام ہالینڈ نے ’سپائیڈر مین: برانڈ نیو ڈے‘ کے اہم منظر میں اپنی تخلیقی صلاحیت دکھا دی

لاس اینجلس: مارول کی نئی سپر ہیرو فلم ’سپائیڈر مین: برانڈ نیو ڈے‘ میں اداکار ٹام ہالینڈ نے صرف اداکاری ہی نہیں بلکہ تخلیقی انداز بھی اپنایا، جس کے نتیجے میں فلم کے ایک جذباتی منظر کو مزید اثر انگیز بنا دیا گیا۔

فلم کے ہدایت کار ڈیسٹن ڈینیئل کریٹن نے بتایا کہ ٹام ہالینڈ نے شوٹنگ کے دوران سکرپٹ سے ہٹ کر ایک اضافی مکالمہ آزمانے کی اجازت طلب کی تھی۔ ہدایت کار کے مطابق اداکار کی جانب سے پیش کیا جانے والا یہ جملہ بعد میں فلم کے جذباتی بیانیے کا اہم حصہ بن گیا۔

یہ منظر پیٹر پارکر کی اپنی آنٹی مے کی قبر پر حاضری کے دوران فلمایا گیا۔ اس موقع پر ٹام ہالینڈ نے سکرپٹ میں درج مکالمے کے ساتھ اپنی طرف سے ایک جملہ بھی شامل کرنے کی تجویز دی۔

ڈیسٹن ڈینیئل کریٹن کے مطابق ٹام ہالینڈ نے ان سے رابطہ کرکے اپنے خیال کو آزمانے کی اجازت مانگی۔ جب اداکار نے یہ اضافی مکالمہ ادا کیا تو ہدایت کار کو اندازہ ہوا کہ یہ جملہ پیٹر پارکر کے کردار اور اس کی اندرونی کیفیت کو مزید نمایاں کرسکتا ہے۔

ہدایت کار کا کہنا ہے کہ ٹام ہالینڈ کی یہ تخلیقی کاوش منظر کی جذباتی شدت بڑھانے میں کامیاب رہی اور اسے فلم کے یادگار لمحات میں شامل کرلیا گیا۔ اس اضافے نے پیٹر پارکر کے مستقبل کے فیصلوں اور اس کے جذباتی سفر کو بھی زیادہ واضح انداز میں پیش کرنے میں مدد دی۔

دوسری جانب ’سپائیڈر مین: برانڈ نیو ڈے‘ نے ریلیز کے بعد باکس آفس پر بھی مضبوط آغاز کیا ہے۔ فلم نے ابتدائی ویک اینڈ میں نمایاں بزنس کرتے ہوئے سابقہ ریکارڈز کو پیچھے چھوڑنے کا دعویٰ بھی کیا ہے۔

فلم کی کاسٹ میں ٹام ہالینڈ کے ساتھ زینڈایا، جیکب بیٹالون، جون برنتھل اور سیڈی سنک بھی اہم کردار ادا کر رہے ہیں۔