پہلے ون ڈے میچ میں پاکستان نے نیوزی لینڈ کو 6وکٹوں سے شکست دیدی

کراچی: پہلے ون ڈے میچ میں پاکستان نے نیوزی لینڈ کو 6وکٹوں سے شکست دے دی ۔ پاکستان کو 3 میچوں کی سیریز میں ایک صفر کی برتری حاصل ہو گئی ہے ۔

پاکستان نے 256 رنز کا ٹارگٹ انچاسوے اوور میں چار وکٹوں کے نقصان پر پورا کیا ۔ محمد رضوان نے 77 رنز کی ناقابل شکست اننگز کھیلی ۔ بابر اعظم 66 ، فخر زمان 56 اور حارث سہیل 32 رنز بنا کر نمایاں رہے ۔ مائیکل بریسویل نے 2 ، ٹم ساؤتھی اور گلین فلپس نے ایک ایک وکٹ حاصل کی ۔

نیوزی لینڈ نے پہلے کھیلتے ہوئے 255 رنز بنائے تھے نسیم شاہ کی شاندار پرفارمنس کے باعث مہمان ٹیم بڑا ہدف دینے میں کامیاب نہ ہو سکی ، انہوں نے 5 وکٹیں حاصل کیں ۔ کیریر کا پہلا میچ کھیلنے والے اسامہ میر نے دو کھلاڑیوں کو آؤٹ کیا ۔ نیوزی لینڈ کی جانب سے بریسویل نے 43 اور لیتھم نے 42 رنز بنائے ۔