اسلام آباد: پارلیمنٹ کا مشترکہ اجلاس کل سہ پہر 3 بجے ہوگا، جس سے صدر مملکت آصف علی زرداری خطاب کریں گے۔ اجلاس کی تمام تیاریاں مکمل کرلی گئی ہیں، جبکہ قومی اسمبلی سیکریٹریٹ نے مشترکہ اجلاس کا یک نکاتی ایجنڈا بھی جاری کردیا ہے۔
اجلاس کی صدارت اسپیکر قومی اسمبلی ایاز صادق کریں گے، جبکہ صدر مملکت کے خطاب کے ساتھ ہی پارلیمنٹ کے دوسرے پارلیمانی سال کا آغاز بھی ہو جائے گا۔
ذرائع کے مطابق، صدر مملکت آصف علی زرداری کا یہ خطاب ملکی سیاسی، اقتصادی اور حکومتی پالیسیوں کے حوالے سے اہم ہوگا۔ پارلیمنٹ کا یہ مشترکہ اجلاس وزیراعظم شہباز شریف کی ایڈوائس پر طلب کیا گیا ہے۔
