ٹرمپ کی یو اے ای صدر سے فون پر بات چیت، ہمسایہ ممالک پر حالیہ حملوں پر تبادلہ خیال

واشنگٹن/ابوظہبی: امریکی صدر ڈونلڈ ٹرمپ نے متحدہ عرب امارات کے صدر شیخ محمد بن زاید النہیان سے فون پر بات چیت کی، جس میں ایران کی جانب سے یو اے ای اور ہمسایہ ممالک پر حالیہ حملوں پر تبادلہ خیال کیا گیا۔

رپورٹس کے مطابق اسرائیل اور امریکہ ایران پر حملے جاری رکھے ہوئے ہیں، جن میں سپریم لیڈر علی خامنہ ای سمیت 1,300 سے زائد افراد ہلاک ہو چکے ہیں۔ ایران نے بھی جوابی کارروائی کرتے ہوئے اسرائیل اور امریکی فوجی اڈوں کو میزائل اور ڈرون حملوں سے نشانہ بنایا ہے۔

دونوں رہنماؤں نے جاری جنگ کے خطے اور عالمی سلامتی پر ممکنہ اثرات پر بھی غور کیا۔