لاہور: پاکستانی شوبز کی ابھرتی ہوئی اداکارہ ہانیہ عامر جہاز میں بیٹھے مسافر کو ہراسان کرنے کے الزام پر سوشل میڈیا صارفین کی سخت تنقید کا نشانہ بن گئیں۔
تفصیلات کے مطابق اداکارہ ہانیہ عامر کی ایک سنیپ چیٹ ویڈیو سامنے آئی ہے جس میں وہ جہاز میں اپنی سیٹ کے پیچھے بیٹھے مسافر کی بغیر اجازت تصویر بنانے کی کوشش کررہی ہیں، جب کہ پیچھے بیٹھا مسافر ہانیہ کی اس حرکت سے سخت پریشان نظرآرہا ہے اور کوشش کررہا ہے کہ وہ فریم میں نظر نہ آئے۔
If this was a man doing it, and a lady as a subject it’d have been rolled out very differently, but here we see @realhaniahehe publicly harassing a mans private space, using her celeb power. It was ignored, because well she’s cute innit? Disgusting stuff. pic.twitter.com/JrIB66kUvh
— ????MH5???? (@tiwanaldo) November 8, 2017
ہانیہ اس بات سے واقف ہیں کہ مسافر کو ان کی یہ حرکت پسند نہیں آرہی لیکن وہ مسلسل اس کی تصویر لینے کی کوشش کررہی ہیں جب کہ ان کے ساتھ موجود دیگر افراد ان کی اس حرکت پر ہنس رہے ہیں۔اداکارہ ہانیہ نے ویڈیو شاید مذاق میں بنائی تھی لیکن انہیں اپنا یہ مذاق بے حد بھاری پڑگیا۔ سوشل میڈیا صارفین کی جانب سے ہانیہ کو شدید تنقید کا نشانہ بنایا جارہا ہے۔