اسلام آباد:وزیر اعظم عمران خان نے عالمی برادری سے افغانستان کی مدد کا مطالبہ کرتے ہوئے کہا کہ افغان شہریوں کو انسانی المیہ سے بچایا جائے جس کیلئے سب کو مل کر کردار ادا کرنا ہوگا ۔
وزیر اعظم عمران خان نے اپنے ٹوئٹ میں کہا عالمی برادر افغانستان کی مدد کیلئے آگے بڑھے کیونکہ اگر ایسا نہ کیا گیا تو ایک بڑا انسانی المیہ جنم لے سکتا ہے ،انہوں نے کہا پاکستان افغانستان کو ہرممکن ریلیف فراہم کرتا رہے گا۔
میں افغانستان میں اس انسانی المیےکی نشاندہی کرتا آیا ہوں۔اب WFP متنبہ کررہا ہے کہ 2کروڑ 30 لاکھ انسان بھوک کی نذر ہوا چاہتےہیں۔پاکستان تو ہرممکن مددکرتارہے گامگر لازم ہےکہ اب عالمی برادری حرکت میں آئے۔افغانوں کو نگلتی اس آفت کا تدارک اخلاقی طورپراسکےذمےہے۔https://t.co/SYt9QChyUK
— Imran Khan (@ImranKhanPTI) November 9, 2021
افغانستان کے ایشو اور پر امن افغانستان کیلئے اہم ملاقاتیں اسلام آباد میں ہونے جا رہی ہیں جس کیلئے افغا نستان کے وزیر خارجہ امیر خان متقی کل وفد کے ہمراہ پاکستان آئیں گے ،امریکی نمائندہ خصوصی برائے افغانستان ٹام ویسٹ بھی کل پاکستان پہنچیں گی،دونوں رہنما اسلام آباد میں ٹرائیکا پلس اجلاس میں شرکت کریں گے،اجلاس کے سائیڈ لائنز پر مہمان وفود کی ملاقاتیں بھی ہوں گی ۔
ذرائع کے مطابق ملاقاتوں میں افغانستان میں امن و سلامتی کی صورتحال ، اقتصادی بحالی، انسانی حقوق کی صورتحال سمیت باہمی دلچسپی کے معاملات پر تبادلہ خیال ہو گا،، ملاقاتوں میں امریکا کی جانب سے پاکستان کی فضائی حدود کے استعمال کے مطالبہ پر بھی بات چیت کا امکان ہے۔
