چودھری شجاعت کے بیٹے سالک حسین کی لندن میں نواز شریف سے اہم ملاقات

لندن: چودھری شجاعت کے بیٹے سالک حسین کی لندن میں نواز شریف سے اہم ملاقات ، آفس پہنچنے پر حسن نواز نے چودھری سالک حسین کا استقبال کیا۔

ترجمان پاکستان مسلم لیگ ن کے مطابق سالک حسین نے لندن میں نواز شریف سے ملاقات کی جس میں صوبائی اسمبلیوں کی تحلیل روکنے اور ملکی سیاسی صورتحال پر بات چیت ہوئی ۔ ملاقات میں حسین نواز اور حسن نواز بھی شریک ہوئے ۔

اس سے قبل اپنے بیان میں قائد ن لیگ نے کہا تھا کہ انکوائریاں چل رہی ہیں ، عمران خان کی گرفتاری کا دن بھی جلد آئے گا ۔ سابق وزیراعظم نواز شریف نے کہا کہ چیئرمین پی ٹی آئی کیخلاف الزامات نہیں ، ثابت شدہ کرپشن ہے ۔ ہر بچے کی زبان پر آج توشہ خانہ کی چوری کے قصے ہیں ، انھوں نے 50، 50 ارب روپے کی کرپشن کی ، ایک شخص خود کرپشن میں ڈوبا ہوا ہے اور دوسروں پر الزام لگا رہا ہے ۔

نواز شریف نے کہا کہ جن کو وہ کرپٹ کہتے ہیں انہیں لندن میں عدالتیں سرٹیفکیٹ دے رہی ہیں ، ڈیلی میل معافی کے بعد عمران خان ، پارٹی اور شہزاد اکبر کو سر شرم سے جھکا لینا چاہیے ۔