اسلام آباد: وزیراعظم شہباز شریف آج 2 روزہ دورے پر متحدہ عرب امارات روانہ ہوں گے۔ وزیر اعظم یہ دورہ یو اے ای کے نائب صدر شیخ محمد بن راشد المکتوم کی دعوت پر کر رہے ہیں۔ اس دورے کے دوران، وزیراعظم کے ہمراہ نائب وزیراعظم و وزیر خارجہ اسحاق ڈار اور کابینہ کے دیگر ارکان بھی ہوں گے۔
وزیراعظم شہباز شریف یو اے ای میں ورلڈ گورنمنٹس سمٹ سے خطاب کریں گے، جس میں وہ پاکستان کے ویژن کو اجاگر کریں گے، جو اقتصادی ترقی، ڈیجیٹل تبدیلی اور گورننس اصلاحات پر مرکوز ہے۔ وزیراعظم کا یو اے ای کی قیادت کے ساتھ دو طرفہ ملاقاتیں بھی ہوں گی۔
خیال رہے کہ وزیراعظم شہباز شریف کا متحدہ عرب امارات کا دوسرا دورہ ہے، جو انہوں نے مارچ 2024 میں اپنے عہدے کا چارج سنبھالنے کے بعد کیا ہے۔
