پاکستان اور بھارت جنگ بندی پر آمادہ، ٹرمپ کا اعلان

واشنگٹن: امریکی صدر ڈونلڈ ٹرمپ نے اعلان کیا ہے کہ پاکستان اور بھارت کے درمیان جاری کشیدگی کے بعد دونوں ممالک جنگ بندی پر آمادہ ہو گئے ہیں۔

صدر ٹرمپ نے سوشل میڈیا پلیٹ فارم ایکس  پر جاری بیان میں کہا کہ امریکہ نے دونوں ممالک سے رات بھر مذاکرات کیے، جس کے نتیجے میں فوری اور مکمل جنگ بندی پر اتفاق ہو گیا۔ انہوں نے پاکستان اور بھارت کو عقل و فہم کا مظاہرہ کرنے پر مبارکباد دی۔

ڈونلڈ ٹرمپ نے کہا کہ امریکہ کی ثالثی نے ایک ممکنہ بڑی جنگ کو ٹال دیا، اور دونوں فریقین سے اپیل کی کہ وہ آئندہ بھی تحمل اور ذمہ داری کا مظاہرہ کریں۔ عالمی برادری نے اس پیش رفت کا خیرمقدم کیا ہے۔