لندن: ملالہ یوسفزئی کو شادی کے بعد دنیا بھر سے مبارکبادیں موصول ہورہی ہیں ۔ ملالہ یوسفزئی اور اثر ملک کے نکاح کی تصاویر دنیا بھر میں وائرل ہوگئی ہیں ۔
تفصیلات کے مطابق پاکستان کی نوبل انعام یافتہ ملالہ یوسفزئی اور پاکستان کرکٹ بورڈ میں جنرل مینجر کے عہدے پر فائز اثر ملک کا نکاح برمنگھم میں ہوا ۔ ملالہ یوسفزئی نے اپنے نکاح کی خبر ٹویٹر پر تصاویر شیئر کرکے دی ۔
نکاح کے بعد دنیا بھر سے ملالہ یوسفزئی اور اثر ملک کو مبارکبادوں کا سلسلہ جاری ہے ۔ دنیا بھر میں مداح ان کے بہتر مستقبل کے دعائیں کررہے ہیں ۔ ایسے میں وزیراعظم عمران خان کی سابق اہلیہ بھی پیچھے نہیں رہیں ۔ جمائمہ گولڈاسمتھ نے امن کا نوبل انعام حاصل کرنے والی ملالہ یوسفزئی کو نکاح پر مبارکباد دی ہے ۔انہوں نے اپنے ٹویٹ پیغام میں کہا کہ ۔۔۔
Mubarak & mashallah x
— Jemima Goldsmith (@Jemima_Khan) November 9, 2021
اپنی ٹوئٹ میں جمائما نے لکھاکہ ‘مبارک، ماشاء اللہ‘۔
یاد رہے کہ ملالہ یوسفزئی اور اثرملک نے برمنگھم میں ایک دوسرے کو جیون ساتھی چن لیا ہے ۔
