نیلم کلچرل فیسٹیول میں جشن آزادی اور معرکہ حق کی کامیابی کا رنگا رنگ انعقاد

وادی نیلم : وادی نیلم کے علاقے کیل میں جشن آزادی اور معرکہ حق کی کامیابی کے موقع پر نیلم کلچرل فیسٹیول منعقد کیا گیا، جس میں پاک فوج اور آزاد کشمیر کلچرل اکیڈمی نے مل کر کام کیا۔ اس ثقافتی میلے میں مقامی لوگوں کی بڑی تعداد نے حصہ لیا اور اپنی ثقافت کے رنگ دکھائے۔

تقریبات میں سکول کے بچوں نے ٹیبلو پیش کیا جبکہ کالج کے طلبہ نے خوبصورت شینہ گیت گائے۔ روایتی رقص گٹکا نے محفل میں جان ڈال دی۔ اس موقع پر جشن آزادی اور معرکہ حق کی جیت پر تقاریر بھی ہوئیں جنہوں نے شرکاء کے جذبے کو بڑھایا۔

اس کے علاوہ ماحولیاتی تحفظ اور سیاحت کے فروغ پر بھی بات ہوئی اور لوگوں کو اس حوالے سے آگاہ کیا گیا۔ مہمان خصوصی چیف سیکریٹری خوشحال خان نے شرکاء میں انعامات اور یادگاری تحائف تقسیم کیے۔

مقامی لوگوں نے اس ثقافتی فیسٹیول کو اتحاد، یکجہتی اور ثقافتی ورثے کے فروغ کا بہترین موقع قرار دیا۔ ساتھ ہی، انہوں نے پاک فوج کو معرکہ حق میں کامیابی پر دل کھول کر خراج تحسین پیش کیا۔ فیسٹیول کے کامیاب انعقاد پر منتظمین کو خوب سراہا گیا اور مستقبل میں ایسے پروگراموں کے انعقاد کی خواہش ظاہر کی گئی۔