میکسیکو سٹی:مس میکسیکو نے تاریخ رقم کرتے ہوئے مس ورلڈ کا اعزاز حاصل کر لیا ہے ، 26 سالہ حسینہ نے دنیا بھر سے آئی 117 حسیناوں کو اپنی خوبصورتی سے مات دے دی۔
8a93cab3d739144556361d0264da7c58
تفصیلات کے مطابق تاریخ میں پہلی مرتبہ مس میکسیکو نے مس ورلڈ کا ٹائٹل حاصل کر لیا ہے ، 26 سالہ وانیسا پونس دے لیون نے انٹرنیشنل بزنس میں ڈگری لے رکھی ہے اور لڑکیوں کے ریحاب سینٹر کے بورڈ آف ڈائریکٹرز میں شامل ہیں ۔
524c8087458e3080941e5deb78c506b2
مس ورلڈ منتخب ہونے والی لیون میکسیکو میں نیشنل یوتھ انسٹی ٹیوٹ میں سپیکر کے فرائض بھی انجام دے چکی ہیں، مس ورلڈ آرگنائزیشن کو اپنے انٹرویو کے دوران انہوں نے کہا کہ ہم سب کو ایک دوسرے کی ضرورت ہے۔ ہمیں ایک دوسرے کی ضروریات کو سمجھنا چاہئے۔
834799907c80c821742913ff46d99d3f
مس ورلڈ منتخب ہونے کے بعد بیک سٹیج پر گفتگو کے دوران انہوں نے کہا کہ مجھے یقین نہیں ہو رہا ہے کہ میں مس ورلڈ کیلئے منتخب کرلی گئی ہوں، تمام لڑکیاں اس اعزاز کے قابل ہیں، مجھے یہ ایوارڈ حاصل کرنے کے بعد بہت خوشی محسوس ہو رہی ہے۔
مس ورلڈ ونیسا اس وقت "بیوٹی ود پرپز" پروگرام میں بھی شراکت دار ہیں جس پر مس ورلڈ کی سربراہی جولیا مورلے کر رہی ہیں ، پروگرام 100 سے زائد ممالک میں چل رہا ہے۔
