اسلام آباد: اپنی کامیابی عمران خان کے نام کرنیوالی پاکستان کی کم عمر ترین ایتھلیٹ اور تائیکوانڈو چیمپئن عائشہ ایاز کو وزیراعظم نے ملاقات کیلئے بلالیا۔
Prime Minister Office is pleased to invite the youngest athlete to meet Prime Minister Imran Khan. #PrimeMinisterImranKhan https://t.co/T9SpZdUu7T
— Iftikhar Durrani (@DuraniIftikhar) February 11, 2019
تفصیلات کے مطابق کم عمر ترین کھلاڑی کا اعزاز حاصل کرنے والی عائشہ ایاز نے ورلڈ تائیکوانڈو کے تین مقابلوں میں کانسی کا تغمہ جیتنے کے بعد اپنی جیت وزیراعظم عمران خان کے نام کر دی تھی۔
وزیراعظم کے معاون خصوصی افتخار درانی کا کہنا ہے کہ عائشہ ایاز کو وزیراعظم عمران خان سے ملاقات کی باقاعدہ دعوت دی جا رہی ہے۔8 سالہ عائشہ ایاز کی جلد وزیراعظم عمران خان سے ملاقات کروائی جائے گی۔
خیال رہے کہ سوات کی 8 سالہ عائشہ ایاز نے دبئی میں ورلڈ تائیکوانڈو چیمپئن شپ کے تین مقابلوں میں کانسی کا تغمہ جیتا تھا۔
اس کامیابی کے ساتھ عائشہ کو ملک بھر میں کم عمر ترین کھلاڑی کا اعزاز بھی حاصل ہوا۔عائشہ ایاز نے گذشتہ برس انڈر 23 گیمز میں حصہ لیا تھا اور انہیں بہترین کھلاڑی کا اعزاز ملا۔عائشہ ایاز نے جیت اپنے نام کر کے پورے پاکستان کا نام روشن کیا۔
