اسلام آباد: وزیراعظم عمران خان نے کہا ہے کہ مقبوضہ کشمیر عالمی سطح پر تسلیم شدہ متنازعہ علاقہ ہے اور 9 لاکھ بھارتی فوج نے 80 لاکھ کشمیریوں کو یرغمال بنا رکھا ہے۔
وزیراعظم عمران خان نے سماجی رابطے کی ویب سائٹ پر ٹویٹ کرتے ہوئے کہا بھارتی فوج نے کشمیر پر غاصبانہ قبضہ کر رکھا ہے اور حیران ہوں عالمی میڈیا ہانگ کانگ احتجاج کو ہیڈلائن بنا رہا ہے مگر کشمیر میں انسانی حقوق کی خلاف ورزی کو نظر انداز کر رہا ہے۔
For over 2 months with a complete blackout of communications, thousands imprisoned,including entire spectrum of political leadership plus children, & a growing humanitarian crisis. In IOJK 100k Kashmiris have been killed over 30 yrs fighting for their right to self determination
— Imran Khan (@ImranKhanPTI) October 11, 2019
عمران خان کا کہنا تھا 2 ماہ سے کشمیر میں مواصلاتی نظام کا مکمل بلیک آؤٹ ہے۔ حریت رہنما، بچوں سمیت ہزاروں کشمیری جیل میں بند ہیں اور انسانی المیہ تیزی سے بحران کی طرف بڑھ رہا ہے ۔انہوں نے کہا 30 سال سے حق خودارادیت کیلئے ایک لاکھ کشمیری شہید ہو چکے ہیں اور عالمی برادری یو این قراردادوں کے مطابق مسئلہ کشمیر حل کرے۔