کراچی : سینیٹر مصطفیٰ نواز کھوکھر نے چئیرمین پیپلز پارٹی بلاول بھٹو زرداری کے ترجمان کے عہدے سے استعفی ٰ دےدیا ہے ۔
مصطفیٰ نواز کھوکھر نے اپنے سوشل میڈیا اکاؤنٹ کے ذریعے بتایا ہے کہ بلاول بھٹو زرداری کے ترجمان کے عہدے سے استعفیٰ دے دیا ہے پیپلز پارٹی سے نہیں ۔
ان کا مزید کہناتھاکہ ہر خوشی اور غم میں بلاول بھٹو کے ساتھ کھڑ ا رہوں گا ، ترجمان کی حیثییت سے دیانتداری اور ایمانداری کےساتھ ملک اور پارٹی کے مفاد میں مشورے دیے۔
I have resigned from the position of spokesperson to the chairman, not from #PPP. Will stand by BBZ through thick and thin. In my years as his spokesperson, have given counsel with honesty, sincerity and in the best interests of the country and the party.
— Mustafa Nawaz Khokhar (@Mustafa_PPP) December 12, 2020
واضح رہے اس سے قبل معاون خصوصی پنجاب فردوس عاشق اعوان نے اپنے ایک بیان میں دعویٰ کیا تھا کہ بلاول بھٹو زرداری کے ترجمان مصطفیٰ نواز کا استعفیٰ پی ڈی ایم کی صفوں میں پھیلنے والی مایوسی کا آئینہ دار ہے ، فردوس عاشق اعوان کا کہنا ہے کہ ن لیگی اراکین اسمبلی وزیراعظم اور وزیراعلیٰ سے رابطے میں ہیں ۔
فردوس عاشق اعوان نے مزید کہا مریم نواز پی ڈی ایم کی ماچس ہاتھ میں پکڑ کر پورے پاکستان کو آگ لگانے نکلی ہیں ، ان کی ڈوبتی کشتی میں کوئی سوار نہیں ہوگا۔ ان کے اپنے ممبران ہچکولے کھاتی کشتی سے چھلانگیں لگا کر وزیراعظم اور وزیراعلیٰ سے رابطے میں ہیں ۔