بنگلہ دیش کے 55 سالہ تاریخ کے اہم ترین انتخابات، جین زی کو "کنگ میکر" قرار دیا جا نےلگا

ڈھاکہ : بنگلہ دیش میں آج 55 سالہ تاریخ کے اہم ترین عام انتخابات کا انعقاد ہو رہا ہے، جس میں جین زی کا کردار انتہائی اہمیت کا حامل ہے اور انہیں "کنگ میکر" قرار دیا جا رہا ہے۔ اس الیکشن میں 3 کروڑ سے زائد نوجوان ووٹرز کی شرکت فیصلہ کن ثابت ہو سکتی ہے، جو ملک کے نئے وزیراعظم کا انتخاب کریں گے۔

بنگلہ دیش کے عوام اس الیکشن میں مہنگائی، بیروزگاری اور بھارتی اثر و رسوخ کے خاتمے جیسے اہم مسائل کے حوالے سے اپنے حکمرانوں کا انتخاب کرنے جا رہے ہیں۔ اس وقت بی این پی اور اس کے اتحاد کو 44 فیصد سے زائد ووٹ ملنے کی توقع ہے، جبکہ جماعت اسلامی اور اس کے اتحاد کو 43.9 فیصد ووٹ ملنے کا امکان ظاہر کیا جا رہا ہے۔

انتخابات کی تیاریوں میں 90 فیصد پولنگ اسٹیشنز پر سی سی ٹی وی کیمرے نصب کیے گئے ہیں تاکہ انتخابات کے عمل کی نگرانی کی جا سکے۔ ساتھ ہی، پولنگ کے دوران 9 لاکھ سے زائد سکیورٹی اہلکار بھی تعینات کیے گئے ہیں تاکہ امن و امان برقرار رکھا جا سکے۔