سابق کرکٹر محمد یوسف نے نیشنل کرکٹ اکیڈمی کے بیٹنگ کوچ کے عہدے سے استعفیٰ دے دیا

لاہور :پاکستان کرکٹ ٹیم کے سابق سٹار بیٹسمین محمد یوسف نے نیشنل کرکٹ اکیڈمی میں بیٹنگ کوچ کے عہدے سے استعفیٰ دے دیا ہے۔ ذرائع کے مطابق، محمد یوسف نے اپنا استعفیٰ پاکستان کرکٹ بورڈ (پی سی بی) کو ارسال کر دیا ہے۔

محمد یوسف حالیہ دورۂ نیوزی لینڈ کے دوران ٹیم مینجمنٹ میں بطور بیٹنگ کوچ شامل تھے، تاہم وہ بنگلا دیش کے خلاف ہوم سیریز کا حصہ نہیں بنے۔ ذرائع کے مطابق، محمد یوسف نے نجی مصروفیات کی وجہ سے کوچنگ کے عہدے سے علیحدگی اختیار کی ہے۔

یاد رہے کہ ماضی میں محمد یوسف قومی ٹیم کے سلیکشن پینل کا بھی حصہ رہ چکے ہیں، جہاں سے انہوں نے پہلے ہی استعفیٰ دے دیا تھا۔