لاہور:نامور اداکارہ مہوش حیات تمغہ امتیاز کے بعد ایک اور اعزاز اپنے نام کرنے میں کامیاب ہوگئیں۔
اداکارہ کو وفاقی وزارت انسانی حقوق کی جانب سے لڑکیوں کے حقوق کی خیر سگالی سفیر منتخب کیا گیا ہے ۔مہوش حیات نے اس خبر کا اعلان ٹوئٹر پر ایک ویڈیو کے ذریعے کیا۔
Pleasure to be at the launch of the Ministry of Human Rights’ new initiatives for the girl child & meet some inspirational women like @ShireenMazari1 . Was impressed to see innovative ways like truck art to get the message out. looking forward to doing a lot more for this cause. pic.twitter.com/xt8Wa410sZ
— Mehwish Hayat TI (@MehwishHayat) October 11, 2019
ویڈیو میں اداکارہ نے کہا کہ مجھے یہ بتاتے ہوئے بہت خوشی محسوس ہورہی ہے کہ وفاقی وزارت انسانی حقوق حکومت پاکستان نے مجھے پاکستان میں لڑکیوں کے حقوق کیلئے خیر سگالی سفیر بنادیا ہے، یہ میرے لیے بہت فخر کی بات ہے کہ میں لڑکیوں کو ان کے حقوق دلانے میں اہم کردار ادا کرسکتی ہوں۔
انہوں نے کہا کہ میں ایک ایسا پاکستان دیکھنا چاہتی ہوں جہاں لڑکیوں کو تعلیم حاصل کرنے کے مواقع دیئے جائیں، آپ بھی اس مشن میں میرا ساتھ دیں کیوں کہ میرا ایسا ماننا ہے کہ اگر لڑکیوں کو ان کا حق دیا جائے تو وہ دنیا بدل سکتی ہیں۔
وفاقی وزارت انسانی حقوق حکومت پاکستان نے بھی اپنے ٹوئٹر اکانٹ پر ایک ویڈیو شیئر کی جس میں مہوش حیات لڑکیوں کے حقوق پر بات کرتی نظر آئیں۔واضح رہے کہ ماضی میں اداکارہ ہمیشہ ہی سیاسی امور، حقوق نسواں اور مسئلہ کشمیر پر کھل کر بات کرتی آئی ہیں۔
