متحدہ عرب امارات نے ریٹائرمنٹ کی نئی پالیسی متعارف کروا دی

ابوظہبی: متحدہ عرب امارات (یو اے ای) نے ریٹائرمنٹ لینے کے لیے نئی اسکیم متعارف کرا دی۔

عرب میڈیا کے مطابق متحدہ عرب امارات نے اپنے اماراتی شہریوں کے لیے وقت سے پہلے ریٹارمنٹ لینے کی نئی اسکیم یعنی گولڈن ہینڈ شیک پالیسی متعارف کرائی ہے۔

حکومت کی نئی پالیسی 50 سال یا اس سے زیادہ عمر کے وفاقی حکومت کے ملازمین کو ریٹائرمنٹ لینے اور اپنا کاروبار شروع کرنے کے لیے ہے۔

الإعلان عن سياسة جديدة في الحكومة الاتحادية تمنح الموظف المواطن خيار التقاعد المبكر للذين تتجاوز أعمارهم 50 عام لتأسيس مشاريعهم الخاصة، وتقوم الحكومة بشراء 5 سنوات وتضيفها لسنوات تقاعدهم أو تمنحهم مكافأة مالية، وبأعداد محددة سنويًا. pic.twitter.com/nR1h6U7l6F

— UAEGOV (@uaegov) September 12, 2021

اماراتی حکومت کے مطابق نئی اسکیم کا آغاز اگلے سال یعنی 2022 سے ہو گا اور اماراتی ملازمین کو اپنے کاروبار قائم کرنے کے لیے 6 سے 12 ماہ کے لیے اُن کی تنخواہ کا 50 فیصد بھی فراہم کیا جائے گا۔

اماراتی حکومت رواں ماہ یعنی پورے ستمبر میں آئندہ 5 دہائیوں کے منصوبوں کا اعلان کرتی رہے گی۔