پاکستان کے بہادر سپاہی قوم اور ہر خطرے کے درمیان ایک مضبوط دیوار بن کر کھڑے ہیں، مریم نواز

لاہور : وزیراعلیٰ پنجاب مریم نواز نے اپنے ایک پیغام میں کہا کہ پاکستان کے بہادر سپاہی قوم اور ہر خطرے کے درمیان ایک مضبوط دیوار بن کر کھڑے ہیں۔ انہوں نے ایکس پر اپنے پیغام میں مزید کہا کہ ہماری سرخرو قوم اللہ کا شکر ادا کرتی ہے اور ہمارے بہادر سپاہیوں کو سلام پیش کرتی ہے، جو معرکۂ حق تک ایک زندہ اور مضبوط دیوار بن کر کھڑے ہیں۔

مریم نواز نے کہا کہ وہ ان ماؤں کو سلام پیش کرتی ہیں جنہوں نے ان بہادر سپاہیوں کو پالا اور ان خاندانوں کو بھی خراج تحسین پیش کرتی ہیں جنہوں نے اپنے پیاروں کا انتظار کیا۔ ان کے مطابق، پاکستان کے اتحاد نے ان سپاہیوں کے حوصلے کو جِلا بخشی اور یہی اتحاد ہمارے ملک کی طاقت ہے۔

انہوں نے وزیرِاعظم پاکستان کو بھی خراج تحسین پیش کیا، جن کی قیادت اور عزم پاکستان کو مزید اتحاد کی طرف لے جا رہے ہیں۔ مریم نواز نے عسکری رہنماؤں کی ثابت قدم قیادت اور قربانی کو بھی سراہا، جو وطن کی عزت اور سلامتی کے ضامن ہیں۔

ان کا کہنا تھا کہ یہ نغمہ پاکستان کا فخر ہے اور ہمارے وطن کو ہمارا لازوال سلام ہے، جو ایمان، حوصلے اور ناقابلِ شکست عزم کی سرزمین ہے۔

وسدہ روے
شالا سجدا روے
میرا دیس سدا
شالا ہسدا روے
سارے پاکستان نُوں رب نے وکھائیاں اَج فیر خوشیاں
او دیوو رَل مِل مُبارَکاں میرے دیس نُوں
او دیوو لکھ لکھ مُبارَکاں میرے دیس نُو