ڈرامہ نویس حسینہ معین پی ٹی آئی میں شامل ہو گئیں

لاہور: پاکستانی ٹی وی کی ممتاز ڈرامہ نویس حسینہ معین نے پاکستان تحریک انصاف (پی ٹی آئی) میں شمولیت اختیار کرلی۔ حسینہ معین کے ساتھ ٹی وی شخصیات ظہیر خان اور یاسر مظہر نے بھی پی ٹی آئی میں شمولیت کی۔
تفصیلات کے مطابق عمران خان کے ساتھ ملاقات کے دوران جہاں حسینہ معین نے اپنے ساتھیوں سمیت پی ٹی ا?ئی میں شمولیت اختیار کی، وہیں سیاستدان محفوظ النبی بھی تحریک انصاف کا حصہ ہوگئے۔تحریک انصاف میں شمولیت کرنے والے افراد نے چیئرمین عمران خان کے ساتھ پی ٹی آئی کراچی کے رہنما فردوس شمیم نقوی کی رہائش گاہ پر ملاقات کی۔تحریک انصاف کے آفیشل ٹوئٹر ہینڈل پر عمران خان کی حسینہ معین، ظہیر خان اور یاسر مظہر کے ساتھ ملاقات کی تصاویر شیئر کی گئیں۔

Famous Pakistani TV personalities Zaheer Khan, Yasir Mazhar, Haseena Moin along with politician Mehfooz un Nabi joins PTI after meeting with Chairman Imran Khan at the residence of Firdous Shamim Naqvi.#KaptaanForKhi pic.twitter.com/RsKZUDS0ri

— PTI Karachi Official (@PTI_KHI) December 13, 2017

ٹوئیٹ میں بتایا گیا کہ حسینہ معین سمیت دیگر رہنماو¿ں نے عمران خان سے ملاقات کے دوران پارٹی میں شمولیت اختیار کی۔حسینہ معین اور دیگر شخصیات کی جانب سے پارٹی میں شمولیت پرعمران خان نے نیک خواہشات کا اظہار کرتے ہوئے کہا کہ نئے اقدام سے پارٹی مضبوط ہوگی۔