انڈر 19 کرکٹ ورلڈ کپ:افغانستان نے افتتاحی میچ میں پاکستان کو 5 وکٹوں سے شکست دیدی

وانگرائی:انڈر 19 کرکٹ ورلڈ کپ کے افتتاحی میچ میں افغانستان نے پاکستان کو 5 وکٹوں سے شکست دیدی۔

تفصیلات کے مطابق نیوزی لینڈ میں جاری جونیئر کرکٹ ورلڈ کپ کے پہلے ہی میچ میں قومی ٹیم نے شکست کا داغ ماتھے پر سجالیا اور افغانستان کے ہاتھوں شکست کا سامنا کرنا پڑا۔189 رنز کا ہدف افغانستان ٹیم نے 47.2 اوورز میں 5 وکٹوں پر 194 رنز بنا کر حاصل کرلیا۔

اس سے قبل پاکستان انڈر 19 ٹیم نے پہلے کھیلتے ہوئے مقررہ 50 اوورز 188 رنز بنائے،روحیل نذیر سب سے زیادہ 81 رنز بنا سکے جبکہ علی زریاب آصف 30 اور محمد طہٰ 17 رنز بنا کر نمایاں رہے۔

Afghanistan restrict Pakistan to 188 in Whangarei, Rohail Nazir the stand-out batsmen with 81 off 105. Will the U19 Asia Cup champions claim victory over Pakistan once more? #U19CWC #PAKvAFG Scorecard ➡️ https://t.co/3CcRJDP0fo pic.twitter.com/Kj8WxaIq0s

— Cricket World Cup (@cricketworldcup) January 13, 2018

مخالف ٹیم کی جانب سے نوید الحق نے 2 ،عظمت اللہ عمر زئی نے 3 ،قیس احمد نے 3 اور ظاہر خان نے ایک وکٹ حاصل کی۔189 رنز کا ہدف افغان ٹیم نے 5 وکٹوں کے نقصان پر کامیابی سے حاصل کرلیا،درویش رسول ناقابل شکست 76 رنز بنا کر نمایاں رہے جبکہ رحمان اللہ گرباز نے31 ، اور اکرام علی خیل نے 46 رنز کی اننگز کھیلی۔پاکستان کی جانب سے حسن خان 2 ،شاہین شاہ آفریدی نے 1 اور محمد طہٰ نے ایک وکٹ حاصل کی۔

Afghanistan claim the first win of #U19CWC! 76* from Darwish Rasooli guides the U19 Asia Cup champions to a 5 wicket win against Pakistan in Whangarei! ????????#PAKvAFG pic.twitter.com/NNQmByOcQA

— Cricket World Cup (@cricketworldcup) January 13, 2018