پنجاب اسمبلی میں مقامی حکومت کا مسودہ قانون 2025 منظور، اپوزیشن کی تمام ترامیم مسترد

لاہور:پنجاب اسمبلی نے مقامی حکومت کا مسودہ قانون 2025 منظور کر لیا ہے، جس کے ذریعے نئے بلدیاتی نظام کی بنیاد رکھی جائے گی۔ اپوزیشن کی جانب سے پیش کردہ تمام ترامیم کو مسترد کر دیا گیا ہے۔

بل کی منظوری کے دوران اپوزیشن نے احتجاجی نعرے لگائے اور ہنگامہ آرائی کی، جس سے اجلاس میں ہلچل مچ گئی۔ تاہم قائم مقام سپیکر ظہیر اقبال چنڑ نے بل کی منظوری کی کارروائی مکمل کروائی اور قانون کو اسمبلی کی منظوری دی گئی۔

یہ بل پنجاب میں بلدیاتی نظام کو بہتر بنانے اور مقامی حکومتوں کو فعال بنانے کے لیے اہم قدم سمجھا جا رہا ہے۔