پنجاب میں سی ٹی ڈی کا بڑا کریک ڈاؤن: ایک ماہ میں 286 آپریشنز، 26 دہشت گرد گرفتار

لاہور : کاؤنٹر ٹیررازم ڈیپارٹمنٹ (CTD) پنجاب نے صوبے بھر میں دہشت گردوں اور شرپسند عناصر کے خلاف گھیرا تنگ کرتے ہوئے ایک ماہ کے دوران سینکڑوں کامیاب کارروائیاں کی ہیں۔ ترجمان سی ٹی ڈی کے مطابق، انٹیلی جنس بیسڈ آپریشنز کے نتیجے میں 26 خطرناک دہشت گردوں کو گرفتار کر لیا گیا ہے۔
سی ٹی ڈی ترجمان نے بتایا کہ گزشتہ ایک ماہ کے دوران پنجاب کے مختلف شہروں میں مجموعی طور پر 286 آپریشنز کیے گئے۔ ان کارروائیوں کا دائرہ کار درج ذیل شہروں تک پھیلا ہوا تھا۔ترجمان کے مطابق، گرفتار کیے گئے 26 دہشت گردوں کا تعلق "علاقہ غیر" سے ہے۔ یہ دہشت گرد صوبے کے مختلف حصوں میں تخریب کاری کی منصوبہ بندی کر رہے تھے، جسے بروقت کارروائی کر کے ناکام بنا دیا گیا۔ گرفتار ملزمان کے قبضے سے بارودی مواد اور ممنوعہ اشیاء بھی برآمد کی گئی ہیں۔
سی ٹی ڈی حکام کا کہنا ہے کہ ان آپریشنز کا مقصد صوبے میں امن و امان کی صورتحال کو برقرار رکھنا اور دہشت گردی کے نیٹ ورک کو جڑ سے اکھاڑ پھینکنا ہے۔ تمام گرفتار دہشت گردوں کو تفتیش کے لیے نامعلوم مقام پر منتقل کر دیا گیا ہے اور ان کے سہولت کاروں کی تلاش میں مزید چھاپے مارے جا رہے ہیں۔