پاکستان اور سعودی عرب کا آئندہ حج سیزن کے انتظامات کے حوالے سے معاہدہ

ریاض: پاکستان اور سعودی عرب کا آئندہ حج سیزن کے انتظامات کے حوالے سے معاہدہ ، سعودی وزیر حج و عمرہ نے پاکستان کے وفد کا استقبال کیا ۔

سعودی سفارتخانہ کے مطابق حج اور عمرہ سروسز کانفرنس کی نمائش کے موقع پر سعودی وزیر حج و عمرہ نے پاکستان وفد کے ساتھ معاہدے پر دستخط کیے ۔ معاہدے سعودی عرب کی جانب سے حج ، عمرہ اور زیارت کے دوران عازمین کے تجربے کو بہتر بنانے کیلئے کیے گئے ۔

سعودی سفارتخانہ کے مطابق معاہدے میں مختص حج کوٹہ ، ائیرپورٹس اور آمد و روانگی کے ذرائع کے ساتھ ساتھ تنظیمی معاملات بھی شامل ہیں ۔

واضح رہے کہ حج ایکسپو 2023 حج اور عمرہ سے متعلق سب سے بڑا اجتماع اور تقریب ہے ۔ حج ایکسپو میں 57 سے زائد ممالک شریک ہوئے ۔