لاہور: تیز رفتار ڈمپر نے تین رکشوں اور دو موٹرسائیکلوں کو روند ڈالا

لاہور: صوبائی دارالحکومت لاہور کے علاقے باغبانپورہ جی ٹی روڈ پر ایک افسوسناک حادثے میں تیز رفتار ڈمپر نے تین رکشوں اور دو موٹرسائیکلوں کو روند ڈالا، جس کے نتیجے میں پانچ افراد موقع پر ہی جاں بحق ہو گئے جبکہ چار زخمی ہو گئے۔

ریسکیو ذرائع کے مطابق حادثہ آخری منٹ کے قریب اس وقت پیش آیا جب ڈمپر کے بریک فیل ہو گئے، اور وہ بے قابو ہو کر گاڑیوں سے ٹکرا گیا۔ تصادم کے بعد ڈمپر الٹ گیا جبکہ ایک رکشہ مکمل طور پر تباہ ہو گیا۔ ریسکیو ٹیموں نے موقع پر پہنچ کر لاشوں اور زخمیوں کو قریبی ہسپتال منتقل کر دیا۔

دوسری جانب رحیم یار خان میں وائرلیس پل کے قریب ایک اور افسوسناک واقعہ پیش آیا، جہاں موٹرسائیکل پر سوار ایک طالبہ تیز رفتار ٹریکٹر ٹرالی کی زد میں آ کر جاں بحق ہو گئی۔

ریسکیو حکام کے مطابق طالبہ خود موٹرسائیکل چلا رہی تھی اور حادثہ ٹریکٹر ٹرالی کے ڈرائیور کی غفلت اور تیز رفتاری کے باعث پیش آیا۔ طالبہ کی لاش کو ضابطے کی کارروائی کے بعد ہسپتال منتقل کر دیا گیا۔ دونوں حادثات نے شہریوں کو غمزدہ کر دیا ہے اور ٹریفک قوانین پر عمل درآمد کی ضرورت کو ایک بار پھر اجاگر کر دیا ہے۔